Khursheed Ka Samaan e Safar | Shamsur Rahman Faruqi

زیر نظر کتاب ”خورشید کا سامان سفر“ شمس الرحمن فاروقی صاحب کی لکھی ہوئی ایک مختصر سی کتاب ہے۔اس کتاب میں فاروقی صاحب کے اقبال پر لکھے گئے مختلف مضامین شامل ہیں۔کتاب میں شامل مضامین اقبال شناسوں کے لیے چشم کشاں ہونے کے ساتھ ساتھ اقبالیات کے باب میں اضافے کا درجہ رکھتے ہیں،کتاب میں شامل مضامین کی تفصیل کچھ اس طرح ہے۔"اقبال اور ایلیٹ،اقبال کا لفظیاتی نظام، اقبال کا عروضی نظام، اقبال کے حق میں رد عمل،تفہیم اقبال، اور،اردو غزل کی روایت اور اقبال"مندرجہ بالا مضامین میں فاروقی صاحب نے اقبال کو اپنے فکر کی رفعت اور فن کی عظمت کے تناظر میں دریافت کرنے کی ضرورت محسوس کرتے ہوئے فاروقی صاحب نے ان کے بعض ایسے گوشوں کو نمایاں کرنے کی کوشش کی ہے جن پر شعوری یا لاشعوری طور پر پردہ ڈال دیا گیا تھا۔