Divan-e-Ghalib Kamil – Kalidas Gupta Raza .

دیوان غالب ایسا دیوان ہے جسے سب سے زیادہ شائع ہونے کا شرف حاصل ہے۔تاحال یہ سلسلہ جاری ہے۔خود غالب کی حیات میں پانچ بار شائع ہوا۔غالب اور کلام غالب عالمی شہرت یافتہ ہیں۔پیش نظر کالی داس گپتا رضا کا مدون کردہ دیوان غالب ہے۔ جو ضخامت اور تعداد اشعار کے اعتبار سے غالب کا اردو کلیات ہے جس میں 4209 اشعار شامل ہیں۔مرتب نے پچھلے نسخوں کی طرح اس کانام "دیوان غالب " ہی رکھا ،صرف ایک لفظ "کامل" کااضافہ کیا ہے۔اس طرح اس دیوان کا نام"دیوان غالب کامل"قرار پایا۔جس میں 19 مآخذوں کی مدد سے کلام غالب کے گیارہ ادوار قائم کئے گئےہیں ۔دیگر نسخوں میں زیر مطالعہ نسخہ اس اعتبار سے بھی زیادہ اہمیت کا حا مل ہے کہ اس میں غالب کے اردو کلام کو تاریخی اعتبارسے درج کیا گیا ہے۔